Diru-laguntza eskatu du Aiarako Udalak Ibaguengo kirol pista konpontzeko

Hainbat konponketa egin ditu udalak, baina asmoa da eremua guztiz berritzea./ Aiarako Udala

Arabako Foru Aldundiari eskatu dio 34.979,41 euroko diru-laguntza tokiko erakundeak.

Zuhatzan dagoen kirol pista konpontzeko diru-laguntza tramitatu du Aiarako Udalak. Arabako Foru Aldundiko 2020ko Obra Txikien Programaren barruan egin du eskaera eta guztira 34.979,41 euroko ekarpen ekonomikoa eskatu du.

Berez, Ibaguengo kirolgunean dagoen pistak futbol zelaia inguratzen du eta denboraren eta eguraldiaren ondorioz, zabaldu eta urratu da. Jadanik udalak zenbait esku hartze egin ditu, baina bide osoa berritzea da helburua.

"Lanek bi asteko egikaritze-epea dute eta, horiei esker, udal espazio bat konpondu eta eguneratu ahal izango da. Izan ere, azkenaldian, harrera oso ona izan du herritarren partetik", azaldu du Gentza Alamillo alkateak.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide