Epaia betetzea eskatu diote Aiaraldeko EAJko ordezkariek Tubacexeko zuzendaritzari

Laudioko Tubacex enpresaren inguruetan egon dira EAJko ordezkari instituzionalak. / Aiaraldea.eus

Tubacexera bertaratu dira gaur Aiaraldeko EAJko ordezkari instituzionalak zuzendaritzari EAEko Justizia Auzitegi Nagusiak joan den astean emandako epaiak betetzea eskatzeko.

Laudioko Tubacexeko lantegi ingurura bertaratu dira gaur Aiaraldeko EAJko ordezkari instituzionalak. Bertan egon dira Txerra Molinuevo Amurrioko alkatea, Gentza Alamillo Aiarako alkatea, Ander Añibarro Laudioko alkatea, Eneritz Alonso Okondoko jarduneko alkatea eta Encina Castresana Aiarako Kuadrillako lehendakaria.

EAEko Justizia Auzitegi Nagusiak joan den astean emandako bi epaiak betetzea eskatu diote ordezkari jeltzaleek Tubacexeko zuzendaritzari. "Euskal Autonomia Erkidegoko Auzitegi Gorenak Tubacexeko lantegietako langileek aurkeztutako salaketaren alde egin zuen uztailaren 6an. Epaiak kaleratzeak baliogabetzea eta 129 langileak beren lanpostuetara berehala itzultzea ezarri zuen", azaldu dute EAJko kideek.

Atzoko Laudioko kaleetan egindako mobilizazioan eskualdeko herritar asko bildu zirela nabarmendu dute ere, "Arabako multinazionaleko langileen aldarrikapenen alde egiteko".

Erlazionatuak

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide