Uda Aiaraldean aldizkaria argitaratu berri du Aiaraldea Komunikabideak. Abuztu eta iraileko jaiak bertan behera geratu diren arren, horiek ordezkatzeko hainbat ekintza antolatuko dira eskualdeko udalerrietan, eta horien guztien gaineko informazioa dakar agerkariak, hainbat elkarrizketa eta erreportajerekin batera.
Horrez gain, 'Aiaraldeko toki kuttunak' atala ere dakar aldizkariak. Eskualdeko hainbat persona agertzen dira bertan, eskualdeko euren toki gogokoenaren nondik norakoak azaltzen: Nortxu Iturrioz, Izaskun Bengoa, Andoni Aldekoa, Janire Etxabe, Encina Arrazuria, Nerea Otaola, Oihana Moya, Julen Zubiete eta Mari Carmen Diaz de Lezana.
Kalean eskura
Aldizkaria atzo iritsi zen inprentatik eta Aiaraldea Komunikabideko boluntarioen sareak ekin dio dagoeneko eskualdean barrena banatzeari. Aiaraldeko saltoki, taberna, kultur etxe eta bestelako establezimenduetan egongo da eskura, doan.
Horrez gain, kalean ere topatu ahalko da, ondorengo banaketa puntuetan:
- Aldai plaza (Laudio)
- Faktoria (Laudio)
- Abasto plaza (Laudio)
- Luiaondoko supermerkatua
- Laudioko kiroldegia
- Artziniegako frontoia
- Atxetako Dia
- Amurrioko Eroskia
- Orozkoko frontoia
- Urduñako supermerkatuak