Beste udazken batez, Laudioko eta Amurrioko saltokiek sari bikainak emango dizkiete bezeroei, herriko merkataritzan duten konfiantza eskertzeko.
Irailetik azarora arte, APILLek eta Izan Amurriok Erosketa karruselaren kanpaina jarri dute martxan berriro, Eusko Jaurlaritzako Turismo, Merkataritza eta Kontsumo Sailaren babesarekin.
Kanpaina honetan guztira 12.000 euro banatuko dira Amurrion eta Laudion. 2.000 euroko sei erosketa-txartel zozketatuko dira parte hartzen duten saltokietan gastatzeko, 3 udalerri bakoitzean.
Oraingo honetan 129 saltokik hartzen dute parte ekimenean, Laudioko 73 eta Amurrioko 56.
Egitaraua irailaren 13an hasiko da Laudion, eta irailaren 20an Amurrion, dendetan txartelak entregatuz. Kanpainan parte hartzen duten establezimenduetan erosketak egiten dituzten bezeroek txartel bana jasoko dute zozketan parte hartzeko. Txartel horiek hainbat koloretakoak izango dira, eta bakoitza ezarritako lekuetan utzi beharko da.
Data hauetan egingo dira zozketak:
- Irailaren 24an, urriaren 8an eta 22an, Laudion.
- Urriaren 4an, 18an eta azaroak 2an, Amurrion.
Sarien irabazleek goiz bakarrean gastatu beharko dute 2.000 €-ko erosketa-txartela udalerri bakoitzean parte hartzen duten dendetan.
Goiz hauek ezarri dira txartelak trukatzeko:
- Irailak 30, urriak 14 eta 28, Laudion.
- Urriak 8 eta 22 eta azaroak 5, Amurrion.
Informazio guztia eta parte hartzeko oinarriak APILLen eta APYMCAn kontsultatu ahal izango dira (www.laudiocomercial.com eta www.apymca.com).
