Jaurlaritzako Enplegu Sailak proposamen bat luzatuko die Tubacexeko lan gatazkako bi aldeei

222 egun bete dituzte Tubacexeko langileek kaleratzeen aurkako greba mugagabean: / Aiaraldea.eus

Zuzendaritzarekin eta Enpresa Batzordearekin bildu ostean Eusko Jaurlaritzako Enplegu Sailak proposamena luzatuko die bi aldeei, eta atal sindikalen esku geratuko da hau baloratzea.

Gaur elkartu dira hirugarrene aldiz Eusko Jaurlaritzako Enplegu eta Lan Saila, Tubacexeko zuzendaritza eta Enpresa Batzordea. Iragan astean hasi zuten bilera errondari amaiera eman diote.

Enplegu Sailak, bi aldeen ikuspuntua eta posizionamendua ezagututa, proposamen bat luzatuko die bi aldeei lan gatazkaren amaiera bilatzeko helburuarekin. Tubacexeko atal sindikal bakoitzaren esku geratuko da orain proposamen horren balorazioa egitea.

222 egun greban

129 kaleratzeen aurka otsailean abiatutako greba mugagabeak 222. eguna bete du gaur, eta produkzioak etenda jarraitzen du Aiaraldeko fabriketan. EAEko Justizia Auzitegi Gorenak kaleratzeak baliogabetu eta langileak berriro hartzera behartu zuen multinazionala. Azken honek, ordea, neurri estrukturalak aplikatzeko nahiari eutsi, eta Madrilgo Auzitegi Gorenean helegitea aurkeztu zuen, berrartuak izan diren langileen etorkizun hurbila zeharo baldintzatuz.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide