MAIALEN SAGUES

“Euskal Herriko baserrietan ere espezismoa dago”

NOR antiespezista taldearen mobilizazio bat Bilbon. / NOR.

MAIALEN SAGUES Nor talde antiespezistako kidea da. Euskal Herriko hiltegien inguruko ikerketa bat abiatu zuten, eta tartean, Laudioko hiltegia ere bisitatu zuten. ikerketan aurkitutakoaz mintzatu da.

Zer da NOR antiespezista?

NOR talde komunikatiboa da, Euskal Herriko eragile antiespezista guztien arteko koordinazioa helburu duena, eta bokazio horrekin sortzen dena. Nagusiki ikerketa lanetan zentratu gara gu, hain zuzen ere Euskal Herriko hiltegien inguruan egindako ikerketa izan zen taldeak egindako lehenengo lanetako bat.

Gu animalien askapenaren alde gaude, baina kontziente izanda sistema kapitalistan ez dela posible merkantzia hau askatzea. Borroka integral baten parte bezala ulertzen dugu guk.

Zein da Euskal Herriko hiltegien barruan aurkitu duzuen errealitatea?

Ikerketa Euskal Herriko 10 hiltegitan egin genuen, tartean Laudiokoa ere bisitatu genuen. Bertako irudiak atera eta langileen testigantzak ere jaso genituen. 

Oso eszenatoki latza da hiltegietakoa. Fabrika handi bateko muntaketa kate bezala funtzionatzen dute. Hain zuzen ere, Henry Ford-ek hiltegietan inspiratu zuen bere kotxe fabriketako produkzio sistema.

Animaliak asko estresatzen dira, ordu asko ematen dituzte heriotzaren zain. Eta, uste orokortuaren aurka, animaliak kontziente dira hil egin behar direla. Oso gogorra da hori.

Gainera hiltegietan zor-gortze makinak erabiltzen dira ohikoan abereak zorabiatzeko, baina oso arrunta da tresneria honek huts egitea, are gehiago sistematikoki huts egiten du, horrela aitortu digute hiltegietako zenbait langilek. Hori dela eta, izaki hauek azken segundora arte gertatuko zaienaren jakitun dira, eta heriotza mingarriak pairatu behar dituzte.

Euskal Herrian eta inguruko hiltegietan 100.000.000 animalia inguru sakrifikatzen dira urtean, basakeria bat da.

Horrelako hiltegi handiek bestelako kalteak ere sortuko dituzte, ezta?

Bai, oso leku kutsakorrak dira. Baina etxalde industrialek are gehiago kutsatzen dute oraindik gure ingurunea: ur kantitate handiak erabiltzen dira, baso hektarea handiak moztu egiten dira abere hauen elikagaia izango den soja eta bestelakoak landatzeko...

Laudioko hiltegiak zero kilometro filosofia sustatzen du, ez duzue uste hiltegien aurka joateak baserrigintzarekin eta landa eremuko burujabetzarekin kontrajarria izan daitekeela?

Ez, bateragarriak izan daitezke, ez dut uste ideia kontrajarriak direnik. Gu ere burujabetzaren aldekoak gara, desazkundearen aldekoak, baina burujabetza hori animalien esplotaziorik gabekoa izan behar du. 
Espezismoa ere baserrietan badago, eta hori errotik aldatu behar da. Txikira jo behar dugu, gutxinaka eraldatu

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide