Fitafik elkarteak ikasturtea hasiko du berehala eta izena emateko epea irekita dago oraindik

Aitor Aspuru Saez 2021eko irailaren 30a
Deskargatu Info Ahotsak :

Alboka jotzeko klaseak eskaintzen ditu elkarteak. / Aiaraldea.eus

Elkarteak euskal musika tresna tradizionalak jotzeko trebatzen ditu ikasleak Laudion eta Urduñan.

Fitafik elkartea ikasturte berria hastear dago eta interesdunei euskal musika tresnak menperatzeko aukera emango die aurten, COVID-19 birusaren pandemiaren beherakadak ahalbidetuta.

Gauzak horrela, alboka, trikitia eta panderoa jotzeko klaseak emango dituzte Laudion, kristalezko aretoan. Urduñan eskaintza horri gehitu behar zaio hasiberrientzako txistu eta danbolin ikastaroa, Lanbide Heziketako eraikinean, hain zuzen.

Klaseak banaka ematen dira ikasle bakoitzarekin astean behin eta ordutegia adosteko parada dago irakaslearekin. Urrian hasiko dira eskolak, baina izena emateko epea irekirik mantenduko du Fitafikek. Hileroko kuota 36 eurokoa da eta izena emateko fitafikeskola@gmail.com helbide elektronikora idatzi daiteke edo 606 687 247 telefono zenbakira deitu.

Kultura

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide