AIARALDEA HEMEN

Tubacexeko greba mugagabea Aiaraldea Hemen hamabostekariaren zenbaki berriko protagonista nagusi

Tubacexeko langileek hartu dute hamabostekariaren azala. / Aiaraldea.eus

Kalean dago dagoeneko Aiaraldea Hemen hamabostekariaren 149. zenbakia. 236 egunez luzatu den Tubacexeko langileen greba mugagabe historikoa ekarri du Aiaraldea Komunikabideak azalera.

Gaur argitaratu da Aiaraldea Hemen hamabostekariaren zenbaki berria. Tubacexeko langileak atzo -urriak 5- bueltatu ziren lanera, kaleratzeak saihesteko 236 egunez luzatu den greba mugagabe historikoaren ostean. Aiaraldea Komunikabideak erreportaje zabala osatu du Euskal Herriko langile borrokan mugarri bilakatu den lan gatazkaren amaierari buruz. Besteak beste, zazpi hilabete hauetako laburpena eta etorkizunera begira eskualdean aurkezten diren erronka eta aukeren inguruko analisi sakona plazaratu ditugu agerkarian.

Gai gehiago sakonean

Tubacexetik harago, gai gehiago ere lantzen ditu hamabostekari berriak. Horien artean dago Otsemeak Amurrioko Neska* Gazte Taldeak aurkeztutako eraso matxistak salatzeko tresna berriaren inguruko erreportajea. Laudioko 'Kulturzaleak' egitasmoaren nondik norakoak ere aurkituko ditu irakurleak. Izan ere, Lamuza Parkea herriko kultur sorkuntzaren epizentro bilakatzeko proposamena garatu dute Laudioko eragile kulturalekin batera.

Elkarrizketak

Elkarrizketa sorta prestatu dugu 149. zenbakirako. Elene Urquijo ilustratzailearen, Ane Cuesta zinemagilearen, Eneko Marigorta eskubaloi jokalariaren, Unai San Pedro kazetariaren eta Dori Ortiz petanka jokalariaren hitzak aurkituko ditu irakurleak hamabostekarian.

Banaketa puntuak

Datozen egunetan banatuko da hamabostekaria eskualdeko saltoki, ikastetxe eta kaleetan. Honako banaketa puntu hauetan topatu daiteke, besteak beste:

  • Aldai plaza (Laudio)
  • Abasto plaza (Laudio)
  • Luiaondoko supermerkatua
  • Laudioko kiroldegia
  • Artziniegako frontoia
  • Atxetako Dia
  • Amurrioko Eroskia
  • Orozkoko frontoia
  • Urduñako supermerkatuak
  • Faktoria (Laudio)

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide