Hispanitatearen Eguna da gaur, Espainiako Estatuko jai egun nazionala. Horren aurrean, “plantoa” aldarrikatu dute zenbait eragile politiko eta sozialek Euskal Herriko hainbat txokotan.
Aiaraldeko Ernai eta Ikamak Laudion garatu dute protesta ekimena. Ikasle antolakundeak herri eskolak egin ditu Laudioko Institutuaren sarreran. Euren hasierako asmoa ekimena klase barruan egitea bazen arren, azkenean atean egin behar izan dute, eta bertatik pasatzen ziren herritarrak informatzeko baliatu dute aukera.
Ondoren, Ernaik elkarretaratzea egin du Lamuza plazan, “bestelako Euskal Herria” posiblea dela nabarmendu eta independentziaren aldeko aldarria zabaltzeko.
Argazkiak: Ikama eta Maddi Isasi Azkarraga
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide