GURE ESKU DAGO

"'Bagoaz' izango da gure aurtengo leloa"

Izar Mendiguren Cosgaya 2021ko urr. 22a, 09:46
2019ko ekainean ere Oletan egin zuten topaketa. / Aiaraldea.eus

Egun osoko ekimena antolatuko du Aiaraldeko Gure Esku Dagok urriaren 31n, Oletako landetan. Amurrio zein Aiaratik ibilaldiak antolatu dituzte, eta 12:00etatik aurrera elkartuko dira zelaian.

Salbatore ondoan kokatutako Oletako landetan egingo du Aiaraldeko Gure Esku Dagok hurrengo ekimena. Urriaren 31 aukeratu dute horretarako, eta egun osoko egitaraua aurkeztu dute. Bailarako hainbat tokitatik abiatuko dira bertara, erabakitzeko eskubidearen alde.

Batetik, Amurrioko plazatik aterako dira, 9:00etan. Bestetik Etxaurrengo (Aiara) ermitatik 9:45ean abiatuko dira Oletako zelaira. Hala, 12:00etan elkartuko dira bertan, herri kirolak zein dantza-plazaz gozatzeko besteak beste.

Ekitaldi politikoaren ondotik, herri bazkaria egongo da. "Bazkari txartelak aurreko astean salduko dira 8 euroren truke, umeak dohainik izango badute ere". Horrez gain, Kateak Ate taldearen kontzertua aurreikusi dute. "Euria eginez gero, ekitaldi guztiak bertan behera geratuko dira", erantsi dute antolatzaileek. 

"Aiaratik Euskal Herri osora, eta areago mundura, guk geuk geure geroaren jabe nahi dugula aldarrikatzeko. Geroa baitugu helburu, ez iragana. Etorkizuna guretzat askatasuna da, elkartasuna da, euskaraz eraikiko dugun geroa, zaharrekin gazte, nahiz gizonezko nahiz emakumezko, udazken kolore guztiekin beste udaberri baten asmotan", aurreratu dute. 

2018ko maiatzean ere Oletako zelaia aukeratu zuen Aiaraldeko Gure Esku Dagok erabakitzeko eskubidea aldarrikatzeko:    

Duela urtebete berriz itzuli ziren toki berera, erreferendumak zabaltzearen aldeko aldarriarekin:

Politika

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide