Kartelada egin dute Aretan, eskolako bidea garbi nahi dutela aldarrikatzeko

Salatu duetenez, eskolako bidea eta lorategia txakurren gorotzez beteta daude azkenaldian.

Ekimena egin zuten atzo arratsaldean Aretako Eskolaren sarreran, Guraso Elkarteak deituta. Kartelada gauzatu zuten hainbat guraso eta umeren artean, ikastetxeko bidea garbi nahi dutela aldarrikatzeko. Salatu dutenez, bidea txakurren gorotzez beteta agertu da azkenaldian. 

Orain dela denbora nahiko hasi ziren kexak.  “Eskolako lorategia kakaleku bilakatu da eta azkenaldian bidean ere jaso gabeko gorotz ugari agertu dira”, azaldu dute gurasoek. 

Udalari eman zioten gertatzen zenaren berri, eta bilera egin zuten. “Esan ziguten egin zezaketen bakarra kakak biltzeko zakarrontzi bat jartzea zela, eta gero guk jaberen bat ikusten bagenuen bere txakurraren kakak lurrean uzten udaltzainei deitu ahalko geniela”. 

Ordutik hona giroa gehiago tenkatu da, Guraso Elkarteko kideen iritziz.  “Jendeak jarrera berarekin jarraitzen du. Horregatik erabaki dugu ekimen hau egitea".

Haurren parte hartzearekin

Eskolako zuzendariarekin hitz egin zuten eta proposamen polita iruditu zitzaion. Horregatik erabaki zuten gaia eskolan ere lantzea. “Idazki bat prestatu genuen, umeek klasean irakurtzeko eta gaiaz hitz egiteko. Marrazkiak eta kartelak prestatu dituzte”.

Pozik daude egitasmoak izandako harrerarekin. “Ea orain zer nolako emaitza duen. Ea udalak zakarrontzia jartzen duen eta jendeak zer nolako jarrera erakusten duen horren aurrean”. 

Argazkiak: Aretako Guraso Elkartea

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide