Hodei Muñoz garaile Legazpiko ziklokrosean

Txabi Alvarado Bañares 2021eko azaroaren 3a
Deskargatu Info Ahotsak :

Hodei Muñoz izan zen helmugara iristen lehena. / Aiara Txirrindulari Elkartea

Astelehenean izan zen norgehiagoka eta Aiara Txirrindulari Elkarteko kidea kokatu zen lehen postuan. 

Asteburu bizia izan dute Aiara Txirrindulari Elkarteko kideek. Hodei Muñozek lehen postua erdietsi zuen Legazpiko ziklokrosean. “Denboraldi osoa darama ziklokros norgehiagoketan lehiatzen, hainbat bigarren postu erdietsita”, nabarmendu dute taldeko kideek. 

Oier Colmenerok, aldiz, hirugarren postua lortu zuen lasterketa berean. Bigarren geratzekotan egon zen, baina gurpil bat zulatu zitzaion azken itzulian. “Podium oso merezia izan da, txirrindulari horrek inork baino gehiago egiten baitu lan. Luxu bat da gure klubarentzat”, goraipatu dute sare sozialetan.

Asier Beraza eta Iker Colmenerok, aldiz, ez zuten horrenbeste zorte izan. Oierren erorketa bera pairatu zuten eta postuak galtzea ekarri zien horrek, 12. eta 28. geratuta, hurrenez hurren. Ekhi Uriarte aldiz, 37. postuan sailkatu zen. 

Kirola

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide