Pasadena taldearen diskoa zozketatuko du Aiaraldea Komunikabideak

Erredakzioa 2021eko azaroaren 5a
Deskargatu Info Ahotsak :

Pasadena taldearen lehen diskoa. / Pasadena

Libe Garcia De Cortazar eta Jon Basaguren musikariek osatzen dute proiektua, eta berriki kaleratu dute euren lehen lana. Hemen parte hartu daiteke zozketan.

Pasadena taldearen lehen diskoa zozketatuko du Aiaraldea Komunikabideak azaroaren 12an. Musika proiektuak Libe Garcia de Cortazar -Neubaten ibilitakoa- eta Jon Basaguren -Izaki Gardenak taldeko kidea- batu ditu, eta rock musikaren kutsua du euren lanak.

Biek jo eta abesten dute grabazioan, melodiaz eta atmosferaz betetako 8 abestitan zehar: Sima, Goibela arnasten dute, Bihotz taupada eta labana, Ez gara hil behar, Itzuli, Arraza gabeko zakur, Sumendi magalean eta Hutsune.

Danilo Foronda eta Dani Arrizabalaga musikarien laguntza izan du bikoteak Sevillan grabatutako diskoan. Masterizazioa, hori bai, Berlinen egin dute.

Zozketan parte hartzeko sakatu hemen.

Kultura

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide