Spiderabel Fernandez, Xabi Alonso eta Iñaki Ibarrola amurrioarrek eta Guipu Alonso okondoarrak parte hartu zuten lasterketan, AEFAT elkartearen eskutik.
Igandean eskualdeko lau korrikalarik hartu zuten parte Zurich Marató Barcelona proban. Hain zuzen, Spiderabel Fernandez, Xabi Alonso, Iñaki Ibarrola eta Guipu Alonso izan ziren kirolariak eta ataxia telangiectasia duten 9 gazteren aulki gurpildunak bultzatu zituzten 42 kilometrotan zehar. 30 boluntario aritu ziren guztira ardura horretan.
Helburua izan zen gaixotasun arraro hori pairatzen duten lagunen egoera ikusaraztea. 5 orduko ibilbidea egin zuten horretarako.
Seguros Zurich enpresak babestutako ekintza horretan, Expo Sports azokan egon ziren, kamisetak saltzen AEFAT elkartearen alde eta Aquariuma ere bisitatu zuten. Osatutako taldea Donostian, Malagan eta Sevillan ere egongo da.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
