Lau zerrenda baino ez dira aurkeztu Arabako kontzejuen hauteskundeetara

Larrinben hautagaien zerrenda osatu dute. / Aiaraldea.eus

Aurtengo kontzejuen hauteskundeetan lau zerrenda baino ez dira aurkeztu Aiaraldean, Arabako Foru Aldundiak jakinarazi duenez. Zehazki, Larrinben, Etxegoienen, Lejartzun eta Olabezarren plazaratu dira hautagaitzak. Beste Administrazio Batzarretan erroldatutako herritar guztiak izango dira hautagai.

Azaroaren 21ean helduko da kontzejuen ordezkariak hautatzeko hitzordua Araban eta Aiaraldeko lurralde arabarrean 32 Administrazio Batzar egon arren, soilik 4 herritan osatu dira zerrendak bozkatzeko.

Horrek esan nahi du gainerako herrietan erroldatutako biztanle orok parte hartuko duela hauteskundeetan, zerrenda irekietan. Bozkatzaileek hautatuko dituzte euren iritziaren arabera.

Hain zuzen, hurrengoak izango dira hautagaitzak:

  • Larrinben: Maria Anunciacion Aldama Villanueva, Jose Maria Gastaca Oyarzabal, Jesus Angel Hernandez Cordon, Maria Angeles Mendivil Echebarria, Jose Maria Urrutia Ibañez eta Andoni Saratxaga Isla.
  • Etxegoienen: Jose Angel Aguirre Ugarte, Jabi Aspuru Oribe, Asier Hinojosa Castro.
  • Lejartzun: Jose Maria Gutierrez Angulo, Nerea Gutierrez Mendivil eta Silvia Gutierrez Mendivil.
  • Olabezarren: Epifanio Arroyo Conde, Ane Miren Bea Llano, Juan Maria Jauregui Aguirre, Eusebio Daniel Meabe Lili, Maria Anunciacion Ulibarri Fernandez eta Jon Txomin Unanue Ulibarri.

Gauzak horrela, Amurrio eta Aiarako herri gehienetan ez dituzte zerrendak sortu; Aloria, Artomaña, Baranbio, Delika, Lekamaña, Lezama, Saratxo eta Tertanga Amurrion, eta Agiñaga, Añes, Arespalditza, Opellora, Erbi, Izoria, Luiaondo, Luxo, Lanteno, Menagarai-Beotegi, Menoio, Murga, Madaria, Maroño, Ozeka, Kexaa, Retes Lanteno, Salmanton, Soxo eta Zuhatza Aiaran.

Duela lau urteko hauteskundeen emaitzak hemen ikusi daitezke.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide