%37,5ko jaitsiera egon da aurtengo Txakolin uztan

Txabi Alvarado Bañares 2021eko azaroaren 15a
Deskargatu Info Ahotsak :

Uztaren kalitatea oso ona izango dela aurreikusi dute. / Aiaraldea.eus

Hala ere, txakolinaren kalitatea oso ona izango dela uste dute Arabako Txakolina jatorrizko izendapeneko kideek. 

Azken hilabeteetako aurreikuspen okerrak bete dira Aiaraldeko txakolindegietan. Bilketaren %98 egina daukate dagoeneko, eta jaitsiera nabarmena egon da eskuratutako mahats kopuruan, iaz baino %37,5 gutxiago bildu baitute, 449.319 kilo guztira. Arabako Txakolinako kideek gogorarazi dute 2020an 718.454 kilo jaso zituztela, eta kalitate aldetik ere “aparteko uzta” izan zela. 

Gauzak hala, aurtengo jaitsiera “garrantzitsua” izan dela nabarmendu dute jatorrizko izendapeneko arduradunek, baina kalitatea oso ona izango dela aurreikusi dute. Urtarrilean egingo dituzte lehen aurre-dastatzeak, eta EHUko Zentzumen Laborategira eramango dituzte gero laginak, kalifikazio ofiziala eskuratzeko. 

Hala ere, uzta-jasotzea baldintza onetan gauzatu ahal izan dute ekoizleek, urrian eurite bakan batzuk egon arren. Gauzak hala, inausketa faserako “motorrak berotzeari” ekin diote, mahastiak prest uzteko datorren urterako.

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide