AZKEN DATUAK

Koronabirusaren 11 positibo berri agertu dira Aiaraldean 3 egunetan eta Aiara eta Laudio eremu gorrira hurbiltzen ari dira

Laudion izan ziren berriz kutsatu gehienak. / Aiaraldea.eus

Osakidetzak jakinarazi du azken egunetan COVID-19 birusaren 11 kasu atzeman dituela eskualdean. 4 izan dira Aiara eta 5 Laudion.

Gaur zabaldu du euskal osasun sistema publikoak azken hiru egunetako txosten epidemiologikoa eta datuak positiboak dira udalerri askotan, baina ez hain onak bi herritan. Izan ere, Aiarak 4 kasu berri erregistratu zituen larunbatean eta egun berean Laudion 5 kutsatu berri detektatu zituzten. Amurrion eta Urduñan ere kasu bana topatu ditu Osakidetzak.

Azken positibo horien ondorioz, intzidentzia metatuaren tasa nabarmen igo da Aiaran zein Laudion. Aurreko olatuen langekin alderatuta, igoera ez litzateke arduratzeko modukoa izango (100.000 biztanleko 500 kasutan eta 400 kasutan jarri zituen Eusko Jaurlaritzak). Baina azaroan 150 kasutan ezarri dute muga, eremu gorrian sartu baino lehen. Langa hori igarota, neurri murriztaileak indarrean sartuko lirateke 5.000 biztanle baino gutxiago dituzten herrietan. Gauzak horrela, Aiara jadanik 138,17an dago eta Laudio, aldiz, 103,54an.

Edonola ere, egoera orokorra eskualdean ez da txarra. Artziniega, Arakaldo, Okondo, Arrankudiaga eta Orozko zeroan daukate euren tasa. Aldiz, Amurrio 19,36an eta Urduña 47,25ean daude eta euren kopuruak ez dira aldatu azken astean.

Bestalde, epaileek ez dute baimendu Eusko Jaurlaritzak eskatutako neurria eta "COVID pasaportea" deituriko agiria ez dute eskatuko hainbat leku publikotan (jatetxeak, kontzertu aretoak...).

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide