"Zer da zuretzat euskara?" esaldi laburren lehiaketa, abian

Parte hartzeko 3 aukera zabaldu dituzte. / Aiaraldea.eus

Aiaraldea Komunikabideak lehiaketa berria abiatu du, euskarari balioa emateko. Hemen parte hartu daiteke, abenduaren 5era arte.

"Zer da zuretzat euskara?" esaldi laburren lehiaketa abiatu du Aiaraldea Komunikabideak euskal hizkuntza sustatzeko. Abenduaren 5 arte egongo da parte hartzeko aukera, eta hilaren 6tik 12ra erabakiko dira irabazleak. Komunikabide Kontseiluak aukeratuko ditu 20 aipurik gustukoenak, eta horiekin irekiko da boto sistemadun lehiaketa Aiaraldea.eus webgunean, abenduaren 6tik 12ra.

Parte hartzeko 3 modu

Sare sozialetan eta webgune honetan gorpuztuko da, batik bat, ekimena. Hiru modu daude parte hartzeko:

  1. Aiaraldea.eus atarian.
  2. Twitterren #Euskaraktibatu traola erabilita eta @aiaraldea aipatuta.
  3. Lehiaketaren kartela komunikabidearen sare sozialetara igotzen denean iruzkina jarrita.

Esaldi irabazlearekin komunikabidearen opari sorpresa banatuko da, irabazleak eta komunikabideko boluntario guztiek jasoko dutena.

Horrez gain, zozketa egingo dute lehiakide guztien artean, Faktoriako material sorta bat banatuko delarik (Aiaraldea komunikabideko motxila, Faktoriako koadernoa eta Aiaraldea k@ntu k@ntari diskoa).

 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide