Euriteek eta denboraleak kalteak eragin dituzte eskualdeko zenbait errepideetan

Erredakzioa 2021eko abenduaren 10a

Artziniegan errepidearen pitzadura eragin dute euriteek. / Artziniegako Udala

Artziniegan eta Okondon egon dira arazo gehien. Orozkon lur-jausia egon da AP68 errepidean, eta errail bat moztuta dago.

Azken asteetako euri zaparrada jarraiek eragozpenak eragin dituzte eskualdeko errepide sareetan. Artziniegako Udalak ohartarazi duenez, lurrean pitzadurak agertu dira: "Euriteen ondorioz, La Bentarako errepidea, La Presa parean, oso kaltetuta geratu da". Txandaka pasa behar dira ibilgailuak bertatik. Artziniegako zenbait auzo bideetan ere ur metaketak gain hartu du:

May be an image of zuhaitz, body of water eta road

Okondon, aldiz, zenbait matxura gertatu ziren, eta hori dela eta ur mozketa egin behar izan zuten herrigunean abenduaren 6an. "Konpontzeko lanean ari gara, baina lana ez da erraza, matxurak iristeko zailak diren lekuetan baitaude", adierazi dute sare sozialetan. Ildo beretik, euri-jasen ondorioz bertan behera utzi dute gabonetako zuhaitza apaintzeko gaur arratsalderako prestatua zuten ekintza.

Orozkon, berriz, lurra erori da AP68 autopistara, eta errail baten mozketa eragin du horrek. Laudioko parkean, bestalde, ez-ohiko irudiak utzi ditu euri jarioak:

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide