Amaitzear dago 2021a, eta eskualdeko hainbat musika taldek datozen asteak baliatuko dituzte urteko azken kartutxoak erretzeko. Amurrioko Musika Eskola da talde horietako bat. Abenduaren 21ean Amurrio Antzokian gabonetako kontzertua eskainiko dute, arratsaldeko 19:00etan. 22an, aldiz, Hasperen abesbatzaren emanaldia egongo da, 19:30ean Santa Maria elizan.
Bi Hotsak eta Laudioko Musika Banda
Amurrio Antzokia hautatu du baita Bi Hotsak abesbatzak Gabonetako kontzertua oholtzaratzeko. Larunbat honetan (abenduak 18) izango da zita 20:00etan. Sarrerak 6 euro balioko du, 5 euro aretoko bazkideentzat. Laudioko Musika Bandak, bere aldetik, abenduaren 26an gauzatuko du Gabonetako kontzertua, 20:00etan Laudioko San Pedro elizan.
Gaur, ordea, Orozkon egongo da zer entzun. Trikiti, pandero eta txalaparta kontzertua taularatuko dute musika eskolako ikasleek Donibane Aretoan, 19:00etan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
