ERREPORTAJEA

“Garrantzia gehiago ematen zaio jaten dugunari, nola jaten dugunari baino”

Maite Garcia osasun adituarekin elkartu da Aiaraldea Komunikabidea. / Aiaraldea.eus

Zer nolako eragina dute gorputzarengan Gabonetako bazkari eta afariek? Zer egin genezake digestioa errazteko edo hobetzeko?  Maite Garciarekin argitu ditu kontu horiek Aiaraldea Komunikabideak.

Gabonetako langostino kopuruak baino, mahai bueltako emozioek dute garrantzia. Hala uste du Maite Garcia iriologoak eta osasun adituak. "Bazkari bueltan emozio asko kudeatzen ditu gorputzak. Ez da soilik garrantzitsua hartzen dugun janaria, inguruneak ere eragiten du. Ez du efektu berdina entsalada bat lasai jateak, edo estresatuta irensteak. Emozioak ez dira inoiz kontuan hartzen eta asko eragiten dute", nabarmendu du. Horregatik uste du Gabonak ez direla gorputza edo elikadura zaintzeko garaia: "Jendeari hamabostaldi honetan elikadura zaintzea baino, emozionalki zaintzea eskatuko nioke". 

Elikadurak eragin fisikoa baino, emozionala du norbere gorputzean haren hitzetan: "Zoriontsu gaudenean xerononina eta oxitozina gisako hormonak sortzen dira, eta estresatuta gaudenean kortisolak. Horietan, gainera, minbizi zelulak ekoizten dira". 

“Ez da soilik garrantzitsua jaten duguna, nola jaten den baizik. Emozioek ere eragina dute gorputzean”

Garciarentzat, osasuna ez da jaten duguna bakarrik, "arnasten eta sentitzen duguna ere bada". Gorputzak bihotzerrea sortzea ez da txarra, bere iritziz: "Nik ez nuke inolaz omeoprazol bezalako botikaren bat hartzea gomendatuko, natur erremedioak badira: kurkuma, kamamila, belarra... Beste batzuk belar orujoa erabiltzen dute".  

Orekan dago gakoa

Janari nahasketek urdailari lana handitzen diote. "Ardo kopa batek ondo sentiarazteko serotoninak askatuko baditu on egingo digu; baina pasatzeak ez. Horregatik da garrantzitsua oreka. Langostinoak jateak pozten bazaitu, 4 jan, ez 12. Orekan dago gakoa. Ondo sentitzeko ez da arkume errerik behar".

Eragin emozionala

"Emozionalki osasuntsu egotea oso garrantzitsua da, bakoitzak odno sentiarazten duenari heltzea, baina orekatuta beti ere". Izan ere, gaixotzea faktore desberdinen ondorioa da: "Biriketako minbizia dutenen %50 ez dira erretzaileak. Txinako medikuntzak arnasketa arazoak antsietatearekin lotzen ditu, bizimoduarekin. oso garrantzitsua da ez gaixotzeko osasun emozional ona izatea".

Hori dela eta, Gabonak gozatzeko baliatzeko deia egin du: "Jendea emozionalki oso gaizki dago. Orain garrantzitsuena ez da langostino gehiegi ez jatea, bakoitzak ondo egoteko behar duena egitea baizik". 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide