MUGARRIAK 2021

2021ean eskualdean gertatutakoak liburu batean bildu ditu Aiaraldea Komunikabideak

Analisiak, iritzi zutabeak, alkateei elkarrizketak, argazki erreportajeak, kronologiak eta ilustrazioak  bildu ditu komunikabideak 200 orriko argitalpenean. Liburua doan banatuko da eskualdeko saltoki, taberna eta topaguneetan.

Gaur iritsi da inprentatik Mugarriak Aiaraldea 2021 argitalpena. 200 orriko liburua da, eta errepaso zabala egiten die aurten eskualdean egondako gertakariei, analisi, argazki galeria edota kronologien bidez. Hainbat ataletan dago banatuta: Jendartea, Kirola, Hezkuntza, Politika, Euskara, Sozioekonomia eta Kultura.

Iritzi zutabe ugari ere topatuko ditu irakurleak urtekarian, honako aiaraldear hauen eskutik:

  • Andoni Aldekoa de la Torre (EITBko zuzendaria)
  • Ane Sautua Garcia (Ikama)
  • Galder Calavia Barron (Ikasle Abertzaleak)
  • Iraia Pereiro Urkijo (Aiaraldeko Mugimendu Feminista)
  • Iratxe Osoro Vitores (Euskara irakaslea eta gizarte hezitzailea)
  • Izaskun Garcia Bordagari (LAB)
  • Itziar Larrazabal Gardeazabl (ELA)
  • Lexuri Ugarte Aretxaga (Arabako Foru Aldundiko Euskara eta Gobernu Irekiko Zuzendaria)
  • Susana Mendez Lertxundi (Naizen elkartea)
  • Txani Rodriguez (Idazlea)

Horrez gain, ilustrazioak ere dakartza urtekariak, Eider Garcia, Rubi, Jabi Isasi eta Floren Usia marrazkilariek eginikoak.

Alkateei elkarrizketak

Politikaren atalean, aldiz, elkarrizketak dira nagusi, eskualdeko alkate guztiekin mintzatu baita Aiaraldea Komunikabidea, aurtengo jardunaren balorazioa egin eta 2022rako erronkak ezagutzeko. Horrez gain, udaletan ordezkatuak dauden gainontzeko talde politiko guztiei luzatu zaie iritzi zutabe bat plazaratzeko gonbita. Modu horretan, politika instituzionalaren aurtengo erradiografia zabala dakar urtekariak.

Doan eskura

Argitalpena doan eskuratu ahalko da eskualdeko saltoki, taberna, kiosko, liburutegi eta topaguneetan. Gaur arratsaldean ekin zaio banaketari.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide