Azaroaren erdialdean Arabako Abokatuen Elkargoak jakinarazi zien bere kideei hilabete horretako 25. egunetik aurrera aldaketa nabarmena gertatuko zela euren lanean. Izan ere, Laudio eta Guardiako ertzainek atxilotutako herritarrei zerbitzua emateko, Gasteizko Lakuako komisaldegira jo beharko dute abokatuek.
Ertzaintzaren Lurralde Buruzagitzak hartu du erabakia eta, horren ondorioz, zenbait eskumen zentralizatu dira Gasteizen eta Bilbon. Horren arabera, Laudioko Ertzainetxeko agenteek eskualdean atxiloketa eginez gero, Lakuako azpiegituretara eraman behar dute herritarra, han ekinbideak irekitzeko eta epaitegietara bideratzeko.
Aiaraldea Komunikabideak atzo hitz egin zuen Ertzaintzaren prentsa bulegoarekin eta zerbitzuak ezin izan zion argitu Aiaraldeko Bizkaiko herrietan egindako atxiloketak ere Gasteizen kudeatuko diren edo, kontrara, Bilbora bideratuko diren. Erakundeak erantzun du ez duela hori argituko, "Ertzaintzaren barne antolakuntzaren afera" delako.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
