Arespalditzako Atxa jauregiaren, Lantenoko Indianoaren Etxearen eta Murgako baserri baten zaharberritzea diruz lagunduko du Aldundiak

Arespalditzako Atxa Jauregia da birgaitutako eraikinetako bat. / Zarateman

Arabako 13 eraikinen birgaitzea finantzatu du foru erakundeak, 509.259,5 euro baliatuta.

Arabako Foru Aldundiak dirua emango die 13 partikularri kultur ondare higiezinak zaharberritzeko eginiko esku hartzeengatik. Aiaraldeko 3 eraikin daude higiezin horien artean: Arespalditzako Atxa jauregia, Lantenoko Indianoaren Etxea eta Murgako Arakio auzoko baserri bat. 

13 esku-hartzeen aurrekontua 509.259,5 eurokoa da guztira. "Esku hartzeetako bik gehieneko dirulaguntza jasoko dute, 30.000 euro, eta beste hiruk 19.000 eta 21.000 euro bitartean", zehaztu du Aldundiak, "gainerakoek 703,49 eta 4.883,24 euro artean jasoko dituzte". 

Ana del Val Kultura eta Kirol Saileko arduradunak nabarmendu du diputazioak "konbentzimendu osoz" egiten duela lan "kultura ondarea, kasu honetan higiezina eta partikularrena, kontserbatzen eta zaharberritzen laguntzeko". 

 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide