Urtarrilaren 29ko mobilizazioa sozializatzeari ekin dio GKSk Aiaraldean

Informazio guneak eta asanblada irekia antolatu dituzte Urduñan eta Laudion, Bilboko deialdia jendarteratzeko. 

Mobilizazioa egingo du Gazte Koordinadora Sozialistak Bilbon urtarrilaren 29an, “enpresari handiak eta politikari profesionalak ezartzen ari diren pobreziaren eta askatasun ezaren” aurka protestatzeko. 

Horri begira, ekimen ugari egin dituzte urtarrilaren 3tik 8ra  Euskal Herriko hiri eta eskualdeetan, “mobilizazioaren zergatiak eta mobilizatzeak duen garrantzia azaltzeko”. 

Aiaraldeko GKS kanpainara batu da, eta bi ekimen egin zituen asteburuan. Alde batetik, informazio guneak atondu zituen Laudion eta Urduñan. Bestetik, asanblada irekia egin zuen Laudion, larunbat goizean. “Politikari profesionalen fartsatik kanpo proletalgoaren antolatzeko beharra” jarri zuten mahai gainean Udal Erabilera Anitzeko Aretoan eginiko ekitaldian. 

Positiboki baloratu dute ekimenek izandako harrera: “Gazte ugari hurbildu dira jakinminez aurkezpenera, eta askok euren burua eskaini dute mobilizazioak antolatzeko eta propaganda egiteko”. Nabarmendu dutenez, “lan militante paregabea” egin dute orain arte. Baina oraindik gauza gehiago egin nahi dituzte 29ko zita zabaltzen jarraitzeko, eta “ilusioz, diziplinaz eta anbizioz” jardungo dute horretarako. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide