Kalean dago dagoeneko Aiaraldea Hemen hamabostekariaren zenbaki berria. Bertan, albiste eta elkarrizketa interesgarriak aurkituko ditu irakurleak.
Julen Eizagirre gazte amurrioarrarena izango da hamabostekariko elkarrizketa nagusia. Lumagorriko kidea da Eizagirre. LGTBQ borrokaren inguruko erakusketa inauguratu du elkarteak Gasteizko Emakumeen Etxean, eta horri buruz mintzatu da.
Irakurleak elkarrizketa gehiago aurkituko ditu hamabostekariko orrien artean: Faktorian antzezlana eskainiko duen Miren Gaztañaga aktorearena, astroargazkilaritzan zaletua den Urtzi Odriozola laudioarrarena eta Ziortza Gaydou eta Olaia Barinaga Euskadiko judo txapeldunena, besteak beste.
Hezkuntza gehigarria
Aiaraldea Hemen hamabostekariak 12 orriko gehigarri berezia dakar oraingoan. Ikastetxeak Haur Hezkuntzako, Lehen Hezkuntzako eta Derrigorrezko Bigarren Hezkuntzako matrikulazio aurrekanpainan daude murgilduta. Gauzak hala, eskualdeko hezkuntza eskaintza jaso du Aiaraldea Komunikabideak gehigarrian, baita hezkuntza komunitatearekin lotutako zenbait eduki interesgarri ere.
Banaketa puntuak
Datozen egunetan banatuko da hamabostekaria eskualdeko saltoki, ikastetxe eta kaleetan. Honako banaketa puntu hauetan topatu daiteke, besteak beste:
- Aldai plaza (Laudio)
- Abasto plaza (Laudio)
- Luiaondoko supermerkatua
- Laudioko kiroldegia
- Artziniegako frontoia
- Atxetako Dia
- Amurrioko Eroskia
- Orozkoko frontoia
- Urduñako supermerkatuak
- Faktoria (Laudio)