Ostiralean egin zen Aiaraldeko Euskalgintza Kontseiluaren Kontseilu Orokorra, Faktorian. Dozenaka lagun bertaratu ziren zitara. Gehienak hezkuntza zentroetatik bertaratu ziren, baina egon ziren baita aisialdi taldeetako edota lan munduko kideak ere.
Hitzordu garrantzitsua izan zen ostiralekoa. "Indarrak bildu eta aurrera begira jartzea" izan zen zitaren helburu nagusia, Kontseiluaren datozen lau urteetarako Plan Estrategikoa sortze bidean. Entitatea "beste aro batean" sartu nahi dute Kontseiluko kideek, "ekimenak eta presentzia biderkatuz".
Taldetan banatu ziren horretarako, euskarak arlo bakoitzean (lana, hezkuntza, aisialdia...) zer nolako urrats eman beharko lituzkeen irudikatzeko. Ateratako ondorioak komunean jarri zituzten gero. Bridinsarekin amaitu zuten topaketa, Aiaraldea euskaradunaren alde topa eginez.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide