Murgako ur biltegiaren aprobetxamendurako proiektua kontratatzeko prozedura abiatu du Arabako Foru Aldundiak. 627.525,3 euro baliatuko ditu horretarako, eta kontratatuko duten enpresak 9 hilabete izango ditu lanak amaitzeko, behin esleipena eginda.
Honako helburua izango dute obrek: Laudioko hainbat zonaldetako ur-horniduraren gabezia konpontzea. Aldundiak azaldu duenez, Murgako biltegiak 2.500 metro kubiko ditu, eta gaur egun ez da bertan dagoen ur guztia erabiltzen. Horregatik erabaki dute biltegia Laudioko hoditegira konektatzeko obra egitea, bertako ura Aiaraldeko udalerri handienean ere ustiatu ahal izateko. Izoriako araztegitik igaroko da korrontea, tratatutako ur bihurtzeko. Gauzak hala, hemendik aurrera Laudio zein Luiaondo hornituko dira araztegi horretako urarekin.
Orain arte, Ugarte eta San Bartolome auzoetako biltegien bidez burutu da Laudioko ur-hornidura, baina bi toki horiek txiki geratu dira udalerriko beharrak asetzerako orduan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
