Kalean da honezkero Aiaraldea Hemen hamabostekariaren 156. zenbakia. Elkarrizketa eta erreportaje ugari biltzen ditu agerkariak.
Aiaraldea Komunikabideak sakonean landu du Tubos Reunidos enpresako berdintasun planaren afera. Amurrioko lantegiko beharginen %9 bakarrik dira emakumeak. 250 behargin baino gehiago dituzten enpresak 2007tik daude derrigortuak berdintasun planak garatzera, baina Tubos Reunidosek ez du ia aurrerapausorik eman. Bien bitartean, eraso sexistak gertatu dira fabrikan.
Gai arantzatsu gehiago lantzen ditu hamabostekariak; hala nola, erresidentzIa pribatuetako langile eta beharginen lan eta bizi baldintzak edota Ellakuriko igerilekuetako afera. Azken kasu horretan, salaketa jarri dute langileek eta Laudioko Udalak enpresa kudeatzailearen kontra, kontratuak faltsutu eta lan baldintzak okertzea egotzita.
Gai gehiago
Bestelako gaiak ere jasotzen ditu agerkariak: Artziniegako Museoak sinatutako hitzarmen berria, Amurrio Trail lasterketaren 2022ko edizioaren nondik norakoak, Laudioko espazio publikoa arautzeko udal ordenantzaren gakoak edota Joseba Sarrionaindiak eta Ines Osinagak Faktorian eskainitako emanaldiaren kronika.
Banaketa puntuak
Datozen egunetan banatuko da hamabostekaria eskualdeko saltoki, ikastetxe eta kaleetan. Honako banaketa puntu hauetan topatu daiteke, besteak beste:
- Aldai plaza (Laudio)
- Abasto plaza (Laudio)
- Luiaondoko supermerkatua
- Laudioko kiroldegia
- Artziniegako frontoia
- Atxetako Dia
- Amurrioko Eroskin