Errigorak 'Oinak lurrean' kanpaina abiatu du eta bere produktuak dastatzeko aukera emango du. Bi saski mota zozketatuko ditu Aiaraldea Komunikabideak, arrunta (klikatu hemen) eta ekologikoa (klikatu hemen).
Errigora ekimenak Nafar Hegoaldeko uzta zabaldu nahi du Euskal Herri osotik, Aiaraldea eskualdea ahaztu gabe. Hori dela medio, 'Oinak lurrean' kanpaina jarri du indarrean gaur bertan, martxoaren 30era arte. Eskaintza berezi horren bidez, produktu sortak erosi ahalko dira (taldeka egiteko aukera egongo da) eta guztiek izango dute ekoizleek eurek jarritako salneurria, euskaraz etiketatuta, gainera. Bide hori jarraiki, Errigorak elikadura burujabetzan eta euskalgintzan eragiteko hautuari eutsi dio.
Bi modu daude kanpainan parte hartzeko eta erosketak gauzatzeko: webgunean eskaera egitea edo (+33) 532 09 35 45 eta (+34) 848 87 12 23 telefono zenbakietara deitzea. Ordutegia 9:00etatik 13:30ak arte da, astelehentik ostiralera.
Herritarrak egitasmoan parte hartzen animatu daitezen, Errigorak bi saski zozkatuko ditu Aiaraldea Komunikabidearen bitartez.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
