Kalean da honezkero Aiaraldea Hemen hamabostekariaren 157. zenbakia. Martxoaren 8ko mobilizazio egunak hartu du portada, baita agerkariko lehenengo orrialdeak ere. Izan ere, Emakume Langileen Nazioarteko Eguna dela-eta, mobilizazioz eta aldarri feministaz jantzi zen atzo eskualdea, eta Aiaraldea Komunikabideak eguneko kronika eta argazki erreportaje zabala osatu du.
Bestelako gaiak ere jasotzen ditu hamabostekariak, hala nola: Ukrainako gerraren inguruko elkarrizketa eta iritzi zutabea, edota Artziniegako Marianisten Eskolako haurren aurkako sexu-abusu kasualantzen duen erreportajea.
Elkarrizketak
Hainbat elkarrizketa ere topatuko ditu irakurleak. Reina Sofia saria eskuratzeko hautatua izan den Jose Maria Pinto margolaria da elkarrizketa horietako protagonistetako bat. Itxaso Escondrillas atleta, Standforreko Unibertsitateko ikerlaria den Zuriñe de Miguel eta Hego Afrikan egonaldia egiten ari den Jon Blanco biologia ikaslea ere elkarrizketatu ditu Aiaraldea Komunikabideak.
Banaketa puntuak
Datozen egunetan banatuko da hamabostekaria eskualdeko saltoki, ikastetxe eta kaleetan. Honako banaketa puntu hauetan topatu daiteke, besteak beste:
- Aldai plaza (Laudio)
- Abasto plaza (Laudio)
- Luiaondoko supermerkatua
- Laudioko kiroldegia
- Artziniegako frontoia
- Atxetako Dia
- Amurrioko Eroskin