Emakumeen Nazioarteko Egunaren harira egitarau zabalak osatu dira eskualdeko herri gehienetan eta horren isla izan ziren Irantzu Varelak eta Patricia Sornosak egindako bakarrizketak.
Varela Orozkoko Donibane Aretoan aritu zen larunbatean eta heteropatriarkatua izan zuen hizpide. Alde batetik, sakondu zuen egunerokotasunean genero eraikuntzak ekartzen duen bizimoduan, umorearen ikuspuntutik. Ohiturak, berba egiteko modua, espazioaren erabilera... kritikatu zituen, besteak beste. Kritika hori eraman zuen, hain zuzen, gizonezkoengan patriarkatuak duen eraginera: espazio publikoa okupatzerako orduan, bazkaria egitea lorpentzat jotzean...
Patricia Sornosa Valentziarrak Laudioko Kasinoa bete zuen igandean eta berak ere gai arantzatsuak landu zituen barre algarak eraginda. Lehenik eta behin, bere burua aurkeztu zuen umorea erabilita, eta gero zaintzen, amatasunaren edota identitatea sortzearen inguruan hausnartu zuen. Eliza katolikoari buruzko txantxak ere ez ziren falta izan.
Argazkiak: Ixone Collado Urkijo eta Aitor Aspuru Saez