HEDABIDE KONTSEILUA

Aiaraldea Komunikabideak bilera irekia egingo du datorren maiatzaren 25ean, herritarren ekarpenak eta kritikak jasotzeko

Paperezko edizioaren berregituraketa landuko da bileran, besteak beste. / Aiaraldea.eus

Amurrioko Kultura Etxean egingo du Hedabide Kontseilua Aiaraldea Komunikabideak datorren asteko asteazkenean, maiatzak 25. Herritar oro dago gonbidatuta parte hartzera.

Hedabide Kontseilua egingo du Aiaraldea Komunikabideak datorren maiatzaren 25ean, asteazkena. Hitzordua Amurrion izango da, Kultura Etxean. 18:30ean hasiko da zita eta hainbat puntu landuko dira:

  • Paperaren berregituraketa: Aiaraldea Hemen hamabostekariari begira proposatuko diren aldaketak aurkeztu eta ekarpenak jasoko dira.
  • 2022ko aurrekontuaren eta plangintzaren jarraipena
  • Udako plangintza: Plangintza zirriborroa aurkeztu eta horren gaineko ekarpenak jasoko dira.

Hedabide Kontseilua bilera ibiltaria bilakatu nahi du Aiaraldea Komunikabideak. Gauzak hala, hurrengo bilerak eskualdeko beste udalerri batzuetan egingo dira, eskualdetasuna sustatzeari begira. Maiztasunari dagokionez, bilera hilero egitea aurreikusten du komunikabideak, beharren arabera maiztasuna aldatu daitekeen arren.

Herritar guztiei irekiko dizkiete ateak, bai entzule gisa parte hartzeko, zein komunikabidearen jardunaren gaineko ekarpenak egiteko, azalpenak eskatzeko edo kritikak adierazteko.

Modu presentzialean parte hartzeko aukerarik ez dutenek Internet bidez jarraitu ahalko dute bilera, esteka honen bidez.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide