ARGAZKIAK

Ozekako gaina hartu du marea laranjak Itzuliaren 3. jardunaldian

Aimar Gutierrez Bidarte 2022ko api. 6a, 22:48

Itzuliaren 3. etapa lehiatu da gaur Aiaraldean. Ozekako gaina izan da lasterketako puntu beroetako bat, eta dozenaka zale elkartu dira bertan. Pello Bilbao gernikarra izan da Amurrioko helmuga gurutzatzen lehena.

Eguraldia lagun, hitzordu garrantzitsua izan dute txirrindularitza zaleek gaur Aiaraldean, Itzuliaren 3. etapan. Laudio izan dute abiapuntu kirolariek. Bertatik Murgiara jo dute, jarraian Laudiora bueltatzeko berriz. Behin Laudiora iritsita, Aiarako bidea hartu du pelotoiak, bertan aurkitzen baitzen eguneko puntu beroa.

Opellora eta Ozekako gainetan lehiatu dute etapa txirrindulariek, 3. eta 2. kategoriako portuak, hurrenez hurren. Herritarrek ez dute ikuskizuna galdu nahi izan eta dozenaka bertaratu dira Ozekara kirolariak animatzera. Kolore laranja izan da nagusi.

Lasterketa bizia izan da azken unera arte. Aritz Arberas amurrioarrak gidatzen duen Bahrain Victorious taldeko Pello Bilbao gernikarrak irabazi du etapa, Amurrioko kaleetan egindako esprintean helmuga lehen postuan igarota.

Kirola

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide