Kultur sorkuntza Aiaraldean

Unai Mendibil eta Asier Rubio sailkatu dira Arabako bertsolari txapelketako final laurdenetara

Izar Mendiguren Cosgaya 2022ko api. 14a, 07:50

Unai Mendivil (ezkerretik hasita bigarrena) eta Iñaki Cabeza (hirugarrena) txapelketan. / Arabako Bertsozale Elkartea

Maiatzaren 8an eta 14an izango dute txapelketako saioa Unai Mendibil eta Asier Rubiok. Lehenbizikoak Zigoitian kantatuko du, eta bigarrenak Aramaion.

Lehenbiziko fasea bukatu du 2022ko Arabako Bertsolari txapelketak. Martxoaren 19an aurkeztu zuten aurtengo edizioa Faktorian, eta final zortzirenak jokatu dira orain arte. Bertan aritu dira abesten, besteak beste, eskualdeko Iñaki Cabeza, Unai Mendibil eta Asier Rubio. Hain zuzen, azken biek lortu dute hurrengo fasera igarotzea. Gauzak hala, ondorengo saioak egokitu zaizkie:

Maiatzak 8, 17:30ean Zigoitiako kultura etxean: Unai Mendibil Etxebarria, Markel Yoller Lopez de Arroyabe, Orlando Arreitunandia Riñas, Xabi Igoa Eriz, Peru Abarrategi Sarrionandia eta Manex Agirre.
Maiatzak 14, 17:30ean Aramaioko Kultura Etxean: Asier Rubio Hidalgo, Andere Arriolabengoa Bengoa, Oihane Perea Perez de Mendiola, Unai Anda Delika, Felipe Zelaieta Txurruka eta Manu Bendala Garcia-Donas.

Bigarren fase honetan osatu beharreko lanak ondorengoak izango dira: hiruna bertso zortziko handian eta txikian; hamarreko txikian ofizio bat, eta bakarkako lana (2 puntu erantzun eta gaiari 2 bertso). Sarrerak bertsosarrerak.eus webgunean eskuratu ahalko dira: bazkideek 4€ ordaindu beharko dituzte emanaldiagatik, eta gainontzekoek 6€.

Kultura

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide