Arabako Txakolin salmentaren %40 suposatzen du nazioarteko merkatuak

Nazioartean arrakasta handiko edaria da Arabako Txakolina. / Aiaraldea.eus

Etenik gabe handituz doa Arabako Txakolinaren harrera ezin hobea nazioartean. Pandemiak ez du merkatua eten eta Kazakhstan eta Guatemala bezalako herrialdeetara iritsi da berriki Aiaraldeko produktu izarra.

Arabako Txakolinaren nazioarteko proiekzioa haziz doa urtez urte, eta geroz eta geihiago dira Aiaraldeko produktu izarra kontsumitzen duten herrialdeak. 
Hain zuzen ere, nazioarteko salmenta horiek ezinbestekoak izan dira jatorri-deiturako upategietan, hare gehiago bi urte hauetan. "Ostalaritzaren itxierarak asko kaltetu gaitu. Alde batetik, upategi txikiak dira txakolingileonak, eta ez dugu botila kantitate handiak biltzeko azpiegiturarik.

Bestalde, urte baten buruan kalitatea galtzen ez duen produktua den arren, guri urteko ardoa komerzializatzea interesatzen zaigu, uzta sasoian hain zuzen ere; merkatua horretara dago ohitua" , azaldu du Mariano Alava Arabako Txakolina Elkarteko presidenteak. "Kolapsatuta geunden eta nazioarteko merkatua irtenbide ona izan da". Hain zuzen ere nazioarteko merkatuan pandemiak eragindako etena ez dute hainbeste igarri upategiek, eta, auarreikuspen guztien aurka bada ere, lortu dute sektore horretako salmentak mantentzea.

Merkatu berriak

Pandemia egoerak gainera, merkatu berriak bilatzeko beharra mahaigaineratu du. Horrela iritsi da produktua Kazakhstan edo Guatemala bezalako herrialdeetara. 

"Urtez urte handituz doaz atzerriko salmentak, eta geroz eta gehiago dira gure produktuak ezagutzen dituzten horiek. Gainera, uste orokortuaren kontra, salmentak ez dira kokatzen euskal diaspora edo komunitate bat aurkitzen den lekuetan, baizik eta Euskal Herria mapan nekez koka dezaketen lekuetan. Hori harro egoteko moduko arrazoia da. Izan ere. bezero hauek ez dute gure produktua erosi gurekin harremana dutelako, baizik eta txakolina probatu, beste ardo txuri batzuekin alderatu eta lehenengoarekin geratzea erabaki dutelako". nabarmendu du Marianok.

Estatu Batuak dira esportazio merkatu nagusia. 20 urte dira ia Arabako Txakolina AEBtara iritsi zela, eta salmenten gorakadak progresiboa izaten jarraitzen du. Gainera, eskaintza berriak aurkeztu dira  bertan eta erabateko arrakasta izan dute, hala nola; txakolina latetan saltzeko aukera. Salmenta guztien %40 suposatzen du gaur egun nazioarteko merkatuak , eta txakolingileek %50era iristeko asmoa dute aurki.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide