Eneko Andueza PSE-EEko idazkari nagusiak ekitaldia egingo du Lamuza parkean bihar

Eneko Andueza PSE-EEko idazkari nagusi berria. / PSE-EE

Ez da sozialistek egingo duten jarduera bakarra izango, Amurrion hitzaldia antolatu baitute astelehenarako.

Bihar Eneko Andueza PSE-EEko idazkari nagusiak ekitaldi politikoa eskainiko du 12:30ean Laudioko Lamuza parkean. Eguraldia euritsua izango balitz, Kasinoan izango litzateke. Andueza azken berri politikoei buruz mintzatuko da, bi alderdikiderekin batera.

Alde batetik, Cristina Gonzalez Arabako PSE-EEko idazkari nagusiak eta Arabako Enplegu, Merkataritza eta Turismoko Diputatuak hartuko du hitza eta, bestetik, Loli Muriel zinegotziak eta Laudioko taldeko buruak ere parte hartuko du.

Amurrion astelehenean

Biharko agerraldiaren ondoren, etzi ere sozialistek mahai ingurua egingo dute Amurrioko Katekesi Aretoan 18:30ean. Cristina Gonzalezek gidatuko du solasaldia eta Xuria Arza Vélez UGT-Euskadi sindikatuko Berdintasunerako idazkariak eta Maria Jesus San Jose Lopez Arabako PSE-EEko Berdintasun idazkariak eta legebiltzarkideak hitz egingo dute.

Eztabaida sustatu dute Amurrioko Udala prestatzen ari delako 2022-2025 Berdintasun Plana. Sindikatuko kideak lan esparrua jorratuko du, eta legebiltzarkideak feminismoaren zeharkako begiradaren beharra.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide