Bisita antzeztuak Artziniegara eta Laudiora itzuliko dira maiatza amaieran, ekainean eta uztailean

Aitor Aspuru Saez 2022ko maiatzaren 20a

Arimaktoreko antzezleetako bat. / Aiarako Kuadrilla

Aiarako Kuadrillak eskainiko ditu doako bisitak eta zazpi asteburutan egongo da aukera parte hartzeko.

Artziniega eta Laudioko historian edota ondarean oinarritutako doako bisita gidatuak eskainiko dituzte berriro, igandetan. Zehazki, Artziniegan maiatzaren 29an, ekainaren 5ean, 12an eta 19an eta uztailaren 10ean egingo dituzte 12:00etatik 13:30ak arte. Laudion, ordea, uztailaren 3an eta 17an izango dira, saio bikoitzetan, 11:30etatik 12:15ak arte eta 13:00etatik 13:45ak arte.

Artziniegan jarduerak frontoian hasiko dira eta Laudion Lamuza parkean. Gazteleraz izango dira saio gehienak, baina euskaraz ere ikusteko aukera egongo da. Plazak mugatuak direnez, izena eman beharra dago aurretik Amurrioko Turismo Bulegoan, Laudioko Herritarren Arreta Zerbitzuan edo Internet bidez.

Arimaktore taldeko antzezleak eskualdeko herrietako pertsonaien azalean sartuko dira. Encina Castresana Aiarako Kuadrillako presidenteak aipatu du eskaintza honekin turismo ekintza erakargarriak proposatu nahi dituztela.

Kultura

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide