Euskal Herriko erreferentea den jaialdia uztailaren 1etik 3ra bitartean ospatuko da Irisarrin eta genero ugariko artistak izango ditu oholtzan: Delirium Tremens, Joseba Tapia, Bulego, Ibil Bedi, Niko Etxart... Hemen eman daiteke izena zozketan.
Euskal Herria Zuzenean jaialdiaren edizio berria gero eta hurbilago dago egutegian eta Aiaraldea Komunikabideak sarrera zozketatuko du hiru egunetarako. Ekimenak bere nortasunari eutsi dio eta talde eta artista famatuak (Niko Etxart, Delirium Tremens, Joseba Tapia...) horren ezagunak ez diren kalitatezko sortzaileekin uztartuko dituzte (Merina Gris, Kilimak, Frikun...).
Gainera, beste herrialde eta kulturak gonbidatuko dituzte antolatzaileek; Madelynn Ann bretoia, adibidez. Aniztasuna musika motan ere nabarituko da eta techno (Calling Marian), rap (Eesah Yasuke, Odei) edota post-punk doinuak (Vulk) nahastuko dituzte rockarekin (Ezpalak).
Kontzertuak ez ezik, bestelako ikuskizunak eta tailerrak ere egongo dira, eta interesdunek lagundu dezakete antolakuntzan boluntario txandak eginda, auzolanean prestatzen baita jaia. Horretan guztietan parte hartu nahi izanez gero, Aiaraldea Komunikabideak sarrera bikoitza zozkatuko du. Hemen eman daiteke izena.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
