Ekainaren 18an bisitatuko du Pentsiodunen bizikleta martxak Aiaraldea

Txabi Alvarado Bañares 2022ko maiatzaren 30a
Deskargatu Info Ahotsak :

Eguerdian iritsiko dira ekimen ibiltariko parte hartzaileak Laudiora, eta Amurriora joko dute arratsaldean, bertan lo egiteko. 

Euskal Herriko pentsiodunek bizikleta martxa egingo dute udaren atarian, pentsio duinen aldeko aldarria lau haizetara zabaltzeko. Donostin hasi eta amaituko da ekimena, eta ekainaren 18an igaroko da Aiaraldetik. "12:30-13:00ak aldera iritsiko dira Laudiora. Hemen bazkalduko dute eta Amurriora joko dute jarraian. Bertan lo egingo dute, eta Gasteizera abiatuko dira biharamunean", azaldu du Jose Prieto Estebanek Laudion gaur eginiko elkarretaratzean. 

Pentsiodunak herritar oro animatu du martxari ongietorria egiteko egingo diren ekimenetan parte hartzera. "Manifestazio txiki bat egingo dugu martxari ongi-etorria egiteko, oinez zein bizikletaz". 

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide