Aiarako Kuadrillak 27 pertsona kontratatuko ditu Europako Next Generation funtsei esker. Lanbidek sustatutako "Berrorekarako eta ekitaterako lurralde-proiektu berrien" programaren barruan gauzatuko dira kontratazioak Laudio, Amurrio, Aiara, Okondo eta Artziniegako udalerrietan. Programak kolektibo kalteberen integrazioa du helburu.
Udalerriz udalerri desberdinak izango dira kontratazioak eta hautatuko diren langile-profilak. Amurrion, esaterako, baztertzeko arriskuan dauden 10 pertsona kontratatuko dira. Laudion 45 urtetik gorako 9 pertsona kontratatuko dira. Aiaran, Okondon eta Artziniegan, azkenik, 45 urtetik gorako 8 pertsona hartuko ditu programak.
6 hilabeteko kontratua
Eskainiko diren lanpostuak Lanbiden iragarriko dituzte, ekaineko lehenengo hamabostaldian, eta bide hori jarraitu beharko da eskaerak egiteko. Kontratuek 6 hilabeteko iraupena izango dute, jardun osoaren %75ean. Gainera, 80 orduko formazioa jaso beharko da ere.
Askotarikoak izango dira eskainiko diren 27 lanpostuetako egin beharrak, hala nola; lorezaintza, hiri-altzarien mantenua edota garbiketa lanak.