ZOZKETA

'Ivanka' antzezlana ikusteko sarrera bikoitza zozkatuko du Aiaraldea Komunikabideak

Erredakzioa 2022ko ekainaren 1a

Irati Agirreazkuenaga aktorea igoko da taula gainera. / Piszifaktoria Ideien Laborategia

Igandean izango da emanaldia 19:30ean Faktorian. Hemen parte hartu daiteke zozketan, eta hemen erosi daitezke sarrerak.

Ivanka antzezlana taularatuko du igandean Piszifaktoria Ideien Laborategiak. Faktorian izango da zita, 19:30ean, eta solasaldia ere eskainiko dute emanaldiaren ostean.

Irati Agirreazkuenaga, Mikel Ayllon eta Igor Arzuagak sortu dute antzezlana. Poltsiko Sorkuntza Saria irabazi zuten eta, gauzak hala, Donostiako Poltsiko Antzerki Jaialdian estreinatu berri dute obra.

Euskal Herrira iritsitako ekialdeko immigrante txiro baten istorioa taularatuko dute, baina beste hainbat gai ere izango dituzte hizpide zeharka: krisi ekonomikoa, gentrifikazioa, matxismoa…

Obra ikusteko sarrerak Faktoria.eus atarian daude salgai. Zozketan parte hartzeko, ordea, hemen klikatu behar da.

Kultura

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide