EH Bilduk mozioak aurkeztu ditu Aiara eta Amurrioko udaletan, Interneteko banda zabala eramateko Interneta heltzen ez den etxebizitzetara: "Añes herrian (Aiara) hedapena ez da iritsi ez hirigunera ez eremu sakabanatuetara. Zuhatzan, aldiz, hirigunea konektatuta dago, baina eremu sakabanatuenek ez dute Interneterako konexiorik".
Koalizioak aipatu du prozesu hori 2020an amaituta egon behar zela Arabako Foru Aldundiaren eskutik, baina ez dela horrela izan. Ondorioz, EH Bilduk proposatu du hiru hilabeteko prozesua burutzea. Tarte horretan Administrazio Batzarrekin hitz egitea iradoki dute, gabeziak xehetasunez definitzeko.
Horrez gain, bestelako erakundeen inplikazioa bilatu nahi dute: "Eusko Jaurlaritzari eta Arabako Foru Aldundiari eskatzen zaie plangintza bat egin dezatela abiadura handiko Interneta, gaur egun hedapen hori ez duten eremuetara (udalek egindako mapen arabera) eramateko".
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide