Herriaren taldea txapeldunorde Arabako herrien arteko torneoan

Finaletako partidak galdu zituzten Aiaraldeko kirolariek eskuz binakako eta paleta larruz modalitateetan. Gazteen kategorian, aldiz, garaipena erdietsi zuten Eskuza eta Sanchezek. 

Arabako herrien arteko torneoan txapela lortzeko zorian egon dira Herriaren klubeko kideak. Asteburuan jokatu ziren finalak, gaztetxoen, gazteen eta nagusien kategorietakoak. Gazteen kategorian garaipena lortu zuen Eskuza eta Sanchezek osatutako bikoteak, Gasteizko Ruiz eta Alavari 22-9 irabazita. 

Baina Aiaraldeko gainontzeko jokalariek ez zuten zorte bera izan. Gaztetxoek 1-2 galdu zuten Gasteizen aurka. "Gasteizko aurrelariaren indarra, eta agian pilota biziegiak atera izana gure pilotarien kaltetan izan zen, ezin izan baitzuten partida eurei komeni zitzaien lekura eraman", azaldu dute Aretako klubeko kideek sare sozialetan, eta nabarmendu dute 5. aldiz jarraian geratu dira txapeldunorde kategoria honetan. 

Paleta larruz partidan ere ez zuten gailentzerik izan. 27-35 galdu zuten Martinez eta Eguiak Bernedoko Agirre eta Herreroren aurka. 20. tantura arte aurretik joan ziren aiaraldearrak, baina ondoren "opari" ugari egin zituzten, klubeko kideen hitzetan. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide