Aiaraldea Komunikabideak #Udariklik udako argazki lehiaketa berria abiatu du eta lanak bidaltzeko modu ezberdinak egongo dira. Alde batetik, norberak izena eman eta irudia zein esaldia igo ditzake hemen.
Bestela, Instagram eta Twitter sare sozialen bidez @aiaraldea eta #udariklik aipatu daiteke argazkiaren argitalpenarekin batera. Beste aukera bat da Whatsapp eta Telegram aplikazioak erabilita bidaltzea lana 688 84 81 52 telefono zenbakira. Azkenik, erredakzioa@aiaraldea.eus helbide elektronikora idazteko parada ere badago.
Garrantzitsua da gogoratzea irudia ez ezik, esaldia ere gehitu behar dela, euskaraz, jakina.
Laudioko Fabrik tabernan 2 lagunentzat afaria, eta Ondarruko Arrigorri aterpetxean 2 lagunentzat gaua eta gosaria izango dira aurtengo sariak
Nahibeste argazkirekin parte har daiteke lehiaketan, ez baitago mugarik. Hori bai, zehaztu beharko da zein kategorian (Aiaraldea edo Mundua) irudiaren kokapena aipatuta.
Lehenengo saileko irabazleak Laudio Fabrik establezimenduan bi lagunentzat afaria eskuratuko ditu sari gisa. Bigarrenean, ordea, Ondarruko Arrigorri aterpetxean bi lagunentzako gaua eta gosaria izango da saria.
Parte hartzeko azken eguna irailaren 18a izango da, eta irailaren 19tik 25era bitartean egongo da indarrean bozketa fasea. Boto gehien jasotzen duten argazkiak izango dira garaileak.
