Kalean dago jada Aiaraldea Hemen hamabostekariaren 163. zenbakia. Eduki interesgarri ugari lantzen ditu agerkariak bere 32 orrietan, eta hau izango da ikasturteko azkenaurreko hamabostekaria, udako oporren aurretik.
Uztailaren 9an Artziniegan ospatuko den Arciniega abizenaren topaketak eraman ditugu portadara. Izan ere topaketen zein abizenaren inguruko erreportaje zabala jorratzen du agerkariak. Erreportaje hori osagarritzeko gainera, Perutik etorritako bi arciniegatarren testigantzak jaso ditugu ere.
Athleticeko hauteskundeak
Ostiral honetan -ekainak 24- Atheltic Clubeko bazkideek lehendakari berria hautatuko dute hiru hautagaien artean. Leopoldo Barañano eta Gaiza Aurtenetxe Ricardo Barkalaren hautagaitzako kideak dira, eta klubarentzako duten proiektuaren nondik norakoak azaldu dizkiote Aiaraldea Komunikabideari.
Kirol kontuekin jarraituz, Laudioar Txirrindulari Elkarteko gazteek ere protagonismoa izango dute hamabostekariaren zenbaki berrian. Izan ere, Espainiako Kopan lehiatuko dira Aitana Alonso, Mirari Gotxi eta Jon Egia.
Bestelako erreportaje, kronika eta elkarrizketak ere irakurgai daude plazaratutako orrialdeetan. Datozen egunetan banatuko da hamabostekaria eskualdeko saltoki eta kaleetan, doan.