Kalean dago Aiaraldea Hemen hamabostekariaren 165. zenbakia, ikasturteko azkena. Tertanga, Arakaldo, Areta, Luiaondo eta Ugarteko jai egitarau guztiak biltzen dituen gehigarri berezia dakar agerkariak.
Kalean dago ikasturteko azken Aiaraldea Hemen hamabostekaria. 165. zenbakiak Tertanga, Arakaldo, Areta, Luiaondo eta Ugarteko jai egitarau guztiak biltzen dituen gehigarri berezia dakar bere orrien artean. Agenda osatua ez ezik, jaien antolatzaileekin egindako elkarrizketak ere aurkituko ditu irakurleak bertan.
Eduki gehiago
Baina uztailean Aiaraldean ospatzekoak diren jaiak ez dira azken hamabostekariak lantzen duen gai bakarra. Bere 32 orrietan erreportaje eta elkarrizketa interesgarri ugari bildu ditugu: Aiaraldean hiltegi berria eraikitzeko proposamena edota Eneko Banderas motor gidariari eta Jugatx Jiashang Larrakoetxea xake jokalari gazteari egindako elkarrizketak.
Kirol arloan gainera, Aiala Txirrindulari Elkarteko denboraldiari birpasa egin dio Aiaraldea Komunikabideak, eta kadete mailako taldekide guztien fitxak bildu ditu, baita denboraldian lortutako emaitzen laburpena ere.
Datozen egunetan banatuko da hamabostekaria eskualdeko saltoki eta kaleetan, doan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
