Arabako Foru Aldundiak jakinarazi du hurrengo hilabeteetan 4 milioi euroko inbertsioa egingo duela Arabako errepide sarean. Guztira, 54 bidetan egikarituko dituzte lanak, kontserbazioa, mantenua eta segurtasuna hobetzeko asmoz, "zuloak, arrakalak eta deformazioak baitaude denbora igarotzearen, elurraren eta izotzaren ondorioz".
Berez, zoladurak hobetzeko obrak hainbat errepide motatan banatuko dituzte. Oinarrizko sarean, hau da, lurraldea egituratzen duten bideetan, esku hartze bakarra aurreikusi du Aldundiak Aiaraldean:
- A-625: kilometro bat baino gehiagoko tarte osoa Saratxo industrialdeko sarbidearen eta A-624 errepidearekiko loturaren artean.
Edonola ere, obra gehienak bigarren mailako bideetan izango dira. Hala azaldu du erakunde publikoak: "bide zorua konpontzeko proiektu horietatik gehienak mendateetako bide tarteetan eta guneetan egingo dituzte, asko hondatu baitziren igaro den neguan, hotzagatik, elurragatik eta izotzagatik". Aiaraldean bi puntutan islatuko da inbertsioa. Horietako bat Bizkaian izango da, Urduñan, hain zuzen:
- A-2522: Urkilloko bidegurutzearen eta Laudioren artean
- A-2625: Burgosko eta Bizkaiko probintzien mugen artean
Azkenik, herri txiki eta ertainetan, Administrazio Batzarretan eta auzunean egingo diren hobekuntzak aipatu dituzte:
-
A-3632: Laudio eta Okondo artean
-
A-3641: Zuhatza eta Okondo artean
-
A-4603: Onsoñoko sarbidea
-
A-4604: Lekamañako sarbidea
-
A-4608: Aloriako sarbidea
-
A-4619: Ozeka eta Luxuko sarbidea
-
A-4620: Beotegi eta Kexaa artean
-
A-4625: A-3626 errepidetik Erretes Tudelara
-
A-4906: Delikako sarbidea