AZKEN ORDUKOA

Enplegua Erregulatzeko Espedientea erretiratu du Superberriakeko zuzendaritzak

Aimar Gutierrez Bidarte 2022ko irailaren 21a
Deskargatu Info Ahotsak :

Superberriakeko zuzendaritzak atzera egin du, eta Enplegua Erregulatzeko Espedientea erretiratu du. Dendetako langileak Laudioko lokalean elkartu dira 23:00ak aldera ospatzeko 90 kaleratze gelditu dituztela.

Greba mugagabeko laugarren eguna bukatzear zela jakinarazi du Superberriak saltoki kateko zuzendaritzak Enplegua Erregulatzeko Espedientea erretiratuko duela. Langileek irailaren 16an abiatu zuten 70 kaleratze baino gehiagoren aurkako greba mugagabea.

Lau egunetako protesta eta mobilizazioek fruitua eman dute. Beharginek, Superberriakeko kaleratzeak ez ezik, enpresako sozietate guztietako kaleratzeak ekiditea lortu dute. Izan ere 90 lagunen lanpostua zegoen jokoan.

Adostutakoaren arabera, Uvesco konpainiak subrogatuko ditu Superberriakeko langile guztiak. Printzipioz, bihar grebak iraungo du, ezin izan dutelako abisua bidali bertan behera uzteko. Espedientea indargabetuta, negoziazio mahaia osatuko dute Superberriak supermerkatuetako zuzendaritzak, langileen ordezkariek eta Uvesco konpainiak. Gaur bete dute beharginek greba mugagabearen laugarren eguna.

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide