ZOZKETA

Euskal Herriko Bertsolari Txapelketa Nagusiko finalerako 2 sarrera zozkatuko ditu Aiaraldea Komunikabideak

Alaia Martin, Amurrioko saioan. / BTN

Abenduaren 18an izango da Euskal Herriko Bertsolari Txapelketako finala, Iruñean. Sarrerak agortuta daude aspaldi, baina Aiaraldea Komunikabideak txartel bikoitz bat zozkatuko du erabiltzaileen artean. Hemen eman daiteke izena.

Igande honetan erabakiko da Bilbon -azken finalaurrekoan- nortzuk osatuko duten 2022ko Euskal Herriko Bertsolari Txapelketako finala. Finalerdiak bi itzulitara jokatzen dira, eta bi saioetan puntu gehien lortzen duten bertsolariak taularatuko dira abenduaren 18an Iruñean jokatuko den azken saioan. Bertan batuko zaie Maialen Lujanbio, aurreko txapelketa irabazteagatik finalera zuzenean sailkatua. Gainontzeko 7 bertsolariak nortzuk diren abenduaren 3an jakingo da, Bilboko saioaren ondotik.

Abenduaren 3an, Bilbon, erabakiko dira Euskal Herriko Bertsolari Txapelketako finalistak

Finalerdietako bigarren itzulia Amurrion hasi zen, azaroaren 19an; eta abenduaren 3an bukatuko da Bilbon. Hortik finalera bi asteko atsedenaldia hartuko du Euskal Herriko Bertsolari Txapelketak.

Komunikabideetan jarraipen zabala izan du 4 urtean behin antolatzen den ekimenak. Bertsoa.eus webgunean eta Bertsozale.eus atarian daude bertsoaldi, sailkapen eta nondik norako guztiak, Amurrioko saiokoak barne.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide